Feeds:
Жазбалар
Пікірлер

Archive for Шілде 17th, 2009

Өлім бар екенін білеміз, ажалдың біздің аңдып жүргенн де білеміз. Бірақ… Бірақ, ол жайлы білгенімізбен, жақсы түсінбейтін сияқтымыз. Жұмысқа келсем, қаралы хабар «шықты» алдымнан. Қазақстан арнасындағы «Қайырлы таң, Қазақстан!» бағдарламасының бір жүргізушісі Руслан Бөлебай қайтыс болыпты. Өткір, өжет, айтқанынан қайтпайтын жігіт екенін білемін. Журфакта жүргенде эссе жарысынан жеңіп, BBC-да тәжірибеден өтіп келген. Университет бітірген соң да жарқырап көріне білді. Эфирден тыс, концерт жүргізумен де айналыса бастаған. Маржан Арапбаева, Қап-қарашка, Жанармен бірігіп ән айтқаны да есімде қалыпты. От боп жүретін сол жігіттің дәмі 16-шілдеде Жамбыл мен Гагариннің қиылысында таусылады деп кім ойлаған? Нұржан Қалжан атты жас әншінің машинасымен келе жатқанда бір бүйірден қағыпты. Нұржан ауыр қалде ауруханада жатыр. Тағы бір жігіт сол жерде жүріп кетіпті. Естуімізше, олар кінәлі емес екен. Ішімдікке сылқия тойып алған оқиғаға кінәлі жігіттер Ішкі Істер органынды жұмыс істейді-міс. Нақтылы емес, белгісіз. Кейінгі кезде жас өлім көбейіп бара жатқан сияқты. «Адамдармен соңғы рет көрісіп тұрғандай амандасып, жақсылық жасап, ұзақ ғұмыр тіле» деп айтып отыратын үлкендердің сөзі есіме түсті. Бақұл болыңыздар, замандастар! Жатқан жерлеріңіз Жәннат болсын!!!
Аман болыңыздар!!! Жақындарыңыз аман болсын! Жастар аман болсын! АЛЛА амандық берсін! О дүниеге дайындықсыз бармасақ екен, тек!!!

Read Full Post »